ଅଭିଯୋଗ ବାକ୍ସ ଧରି ପ୍ରାର୍ଥୀଙ୍କ ଅଭିନବ ପ୍ରଚାର

ଫୁଲନଖରା: ନିର୍ବାଚନରେ ଜନମତକୁ ନିଜ ଆଡ଼କୁ ଆକର୍ଷିତ କରିବା ପାଇଁ ପ୍ରାର୍ଥୀମାନେ ନାନାଦି ପ୍ରକାର କୌଶଳ ଅବଳମ୍ବନ କରୁଛନ୍ତି। ଏପରି ଏକ ଅଭିନବ ପ୍ରଚାର ଶୈଳୀ ଦେଖିବାକୁ ମିଳିଛି ବାରଙ୍ଗ ବ୍ଲକ କୁରାଙ୍ଗଶାସନ ପଞ୍ଚାୟତ ଅନ୍ତର୍ଗତ ବଡ଼ଝରିଲୋ ଗ୍ରାମରେ। ଏହି ଗ୍ରାମର ସନ୍ତୋଷକୁମାର ସିହ୍ନା ଚଳିତ ପଞ୍ଚାୟତ ନିର୍ବାଚନରେ ସମିତି ସଭ୍ୟ ପ୍ରାର୍ଥୀଭାବେ ନିର୍ବାଚନ ଲଢୁଛନ୍ତି। ଲୋକମାନଙ୍କ ନିକଟକୁ ଯାଇ ସେମାନଙ୍କ ଅଭାବ, ଅସୁବିଧା ଓ ସମସ୍ୟା ବାବଦରେ ପଚାରି ବୁଝୁଛନ୍ତି। ଏଥିପାଇଁ ସେ ନିଜ ଦୁଇ ଚକିଆ ଯାନରେ ଏକ ଅଭିଯୋଗ ବାକ୍ସ ରଖିଛନ୍ତି।