ଘେରିଗଲେ ପ୍ରଶଂସକ, ଦୌଡିଲେ କମେଡି କିଙ୍ଗ କପିଲ ଶର୍ମା

କପିଲ ଶର୍ମା ଶ୍ରୀମନ୍ଦିର ସିଂହଦ୍ୱାର ଠାରେ ପହଞ୍ଚିବା ପରେ ସେବାୟତ ଓ ସୁରକ୍ଷା କର୍ମୀମାନେ ତାଙ୍କୁ ସ୍ବାଗତ କରିବା ସହ ଶ୍ରୀମନ୍ଦିର ଭିତରକୁ ନେଇଥିଲେ। ମହାପ୍ରଭୁଙ୍କ ଦର୍ଶନ ସହ ପାର୍ଶ୍ବ ଦେବାଦେବୀ, ଲକ୍ଷ୍ମୀ ଓ ବିମଳା ମନ୍ଦିର ଦର୍ଶନ ସହ ସେଠାରେ କପିଲ୍ ପୂଜାର୍ଚ୍ଚନା କରିଥିଲେ। ରତ୍ନ ସିଂହାସନରେ ଚତୁର୍ଦ୍ଧା ବିଗ୍ରହଙ୍କୁ ଦର୍ଶନ କରି ବେଶ ଆତ୍ମତୃପ୍ତି ଅନୁଭବ କରିଥିବା କପିଲ୍ କହିଛନ୍ତି। ଶ୍ରୀମନ୍ଦିରରେ ଦର୍ଶନ ସାରି ଫେରିବା ପରେ କପିଲ ଶର୍ମାଙ୍କୁ ଦେଖିବା ପାଇଁ ପ୍ରଶଂସକଙ୍କ ବେଶ ଭିଡ଼ ଜମିଥିଲା। ତେବେ କପିଲ୍ ଙ୍କ ସହ ସେଲଫି ନେବା ପାଇଁ ସିଂହଦ୍ଵାର ଠାରେ ତାଙ୍କ ପ୍ରଶଂସକ ଙ୍କ ଭିଡ଼ ଲାଗିଥିବା ବେଳେ, କପିଲ୍ ଶର୍ମା ଭିଡ଼ ଭିତରୁ ଦୌଡ଼ି ପଳାଇଥିଲେ।