ଭାରତରେ ବନ୍ଦ ହେଲାଣି ୧୪.୨୬ ଲକ୍ଷ ଆକାଉଣ୍ଟ, ଜାଣନ୍ତୁ ଏହାର କାରଣ
ନୂଆଦିଲ୍ଳୀ ୦୩।୦୪ : ଦୁନିଆର ସବୁଠାରୁ ପ୍ରସିଦ୍ଧ ଏବଂ ଲୋକପ୍ରିୟ ମେସେଜିଂ ଆପ୍ ହ୍ବାଟ୍ସଆପ୍ । ଏହି ଆପ୍ ତ ସମସ୍ତଙ୍କ ପ୍ରିୟ କାହିଁକି ନା ଏହାକୁ ସମସ୍ତେ ବ୍ୟବହାର କରି ପାରୁଛନ୍ତି । ହ୍ବାଟ୍ସଆପ ହେଉଛି ଏପରି ଏକ ପ୍ଲାଟଫର୍ମ ଯାହା ସମୟ ସମୟରେ ଏହାର ୟୁଜର୍ସମାନଙ୍କ ପାଇଁ ନୂଆ ଅପଡେଟ୍ ଆଣିଥାଏ ।ହେଲେ ହ୍ବାଟ୍ସଆପ୍ ବ୍ୟବହାରକାରୀଙ୍କ ପାଇଁ ଏବେ ବଡ ଖବର ଆସିଛି । ବିଶ୍ବର ଅନ୍ୟତମ ଲୋକପ୍ରିୟ ସୋସିଆଲ ମିଡିଆ ଆପ୍ ହ୍ବାଟ୍ସଆପ୍ ଅନେକ ଗୁଡିଏ ଆକାଉଣ୍ଟକୁ ବନ୍ଦ କରିଦେଇଛି । ଏକ ରିପୋର୍ଟ ଅନୁଯାୟୀ, ଚ୍ୟାନେଲ ମାଧ୍ୟମରେ ୟୁଜର୍ସଙ୍କ ଅଭିଯୋଗକୁ ଆଧାର କରି ଉଲ୍ଲଂଘନକୁ ରୋକିବା ଏବଂ ଚିହ୍ନଟ କରିବା ପାଇଁ ନିଜସ୍ୱ ମେକାନିଜମ୍ ମାଧ୍ୟମରେ ୧୪.୨୬ ଲକ୍ଷ ଭାରତୀୟ ଆକାଉଣ୍ଟକୁ ନିଷିଦ୍ଧ କରିଛି । ଏହା ବ୍ୟବହାରକାରୀଙ୍କ ଠାରୁ ଆସିଥିବା ଅଭିଯୋଗ ଉପରେ ଆଧାରିତ।
ଫେବୃଆରୀ ୧ରୁ ଫେବୃଆରୀ ୨୮ ମଧ୍ୟରେ ୩୩୫ ଅଭିଯୋଗ ମୁତାବକ ରିପୋର୍ଟ ଗ୍ରହଣ କରାଯାଇଥିଲା। ୨୧ଟି ଆକାଉଣ୍ଟ ଉପରେ “ଦୃଢ କାର୍ଯ୍ୟାନୁଷ୍ଠାନ” ଗ୍ରହଣ କରାଯାଇଥିଲା । ତେବେ ଗ୍ରହଣ କରାଯାଇଥିବା ମୋଟ ରିପୋର୍ଟଗୁଡିକ ମଧ୍ୟରୁ ୧୯୪ଟି ନିଷେଧ ତଥା ବ୍ୟାନ୍ ଅପିଲ୍ ସହିତ ଜଡିତ ଥିବାବେଳେ ଅନ୍ୟମାନେ ଆକାଉଣ୍ଟ୍ ସପୋର୍ଟ, ଉତ୍ପାଦ ସମର୍ଥନ ଏବଂ ନିରାପତ୍ତା ବର୍ଗରେ ଥିଲା । ଅନ୍ୟପଟେ ରିପୋର୍ଟରେ କୁହାଯାଇଛି, “ଆମେ ଗ୍ରହଣ କରାଯାଇଥିବା ସମସ୍ତ ଅଭିଯୋଗର ଜବାବ ଦେଉଛୁ କି, ଯେଉଁ କ୍ଷେତ୍ରରେ ଏକ ଅଭିଯୋଗ ପୂର୍ବ ଟିକେଟ୍ର ନକଲ ବୋଲି ଧରାଯାଏ । ଏକ ଆକାଉଣ୍ଟକୁ ନିଷେଧ କରାଯିବା କିମ୍ବା ଏହାର ପରିଣାମ ସ୍ୱରୂପ ପୂର୍ବରୁ ନିଷିଦ୍ଧ ହୋଇଥିବା ଆକାଉଣ୍ଟକୁ ପୁନଃସ୍ଥାପିତ କରିବା ।
ତେବେ ଫେବୃଆରୀରେ ହ୍ବାଟ୍ସଆପ୍ ଦ୍ୱାରା ୧୪.୨୬ ଲକ୍ଷ ଭାରତୀୟ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଯାଇଥିଲା। ସେଥିମଧ୍ୟରୁ +91 ଫୋନ୍ ନମ୍ବର ମାଧ୍ୟମରେ ଏକ ଭାରତୀୟ ଆକାଉଣ୍ଟ୍ ଚିହ୍ନଟ ହୋଇଛି । “ଏହି ଉପଭୋକ୍ତା-ସୁରକ୍ଷା ରିପୋର୍ଟରେ ଗ୍ରହଣ କରାଯାଇଥିବା ଉପଭୋକ୍ତା ଅଭିଯୋଗର ବିବରଣୀ ଏବଂ ହ୍ବାଟ୍ସଆପ୍ ଦ୍ଵାରା ନିଆଯାଇଥିବା ସମ୍ବନ୍ଧୀୟ କାର୍ଯ୍ୟ, ତଥା ଆମ ପ୍ଲାଟଫର୍ମରେ ଅପବ୍ୟବହାରର ମୁକାବିଲାକୁ ରୋକିବା ପାଇଁ ପ୍ରତିରୋଧକ କାର୍ଯ୍ୟ ରହିଛି। ନୂଆ ରିପୋର୍ଟରେ ରେକର୍ଡ କରାଯାଇଛି ଯେ ହ୍ବାଟ୍ସଆପ୍ ୧୪ ଲକ୍ଷରୁ ଅଧିକ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଇଛି।