ପ୍ରଧାନମନ୍ତ୍ରୀ ଆବାସ ଯୋଜନାରେ ତିନି କୋଟିରୁ ଅଧିକ ପକ୍କାଘର ନିର୍ମାଣ ଶେଷ

ନୂଆଦିଲ୍ଲୀ :ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଘୋଷଣା କରିଛନ୍ତି ଯେ ପ୍ରଧାନମନ୍ତ୍ରୀ ଆବାସ ଯୋଜନାରେ ଗରୀବଙ୍କ ପାଇଁ ତିନି କୋଟିରୁ ଅଧିକ ପକ୍କାଘର ନିର୍ମାଣ କାର୍ଯ୍ୟ ଶେଷ ହୋଇଛି। ଏନେଇ ପ୍ରଧାନମନ୍ତ୍ରୀ ଟ୍ୱିଟରରେ କହିଛନ୍ତି, ଏହି ଘର ଗୁଡିକ ମଧ୍ୟ ମହିଳା ସଶକ୍ତିକରଣର ପ୍ରତୀକ ପାଲଟିଛି।
ଦେଶର ପ୍ରତ୍ୟେକ ଗରିବ ଲୋକଙ୍କୁ ପକ୍କା ଘର ଯୋଗାଇବା ପାଇଁ ଆମର ସଂକଳ୍ପରେ ଆମେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ହାସଲ କରିଛୁ ବୋଲି ପ୍ରଧାନମନ୍ତ୍ରୀ ମୋଦୀ ଟ୍ୱିଟ୍ କରିଛନ୍ତି। ଏହି ଯୋଜନା ଅଧୀନରେ ନିର୍ମିତ ତିନି କୋଟିରୁ ଅଧିକ ଘର ନିର୍ମାଣ କେବଳ ଲୋକଙ୍କ ଅବଦାନରେ ସମ୍ଭବ ହୋଇଛି। ମୌଳିକ ସୁବିଧା ଥିବା ଏହି ଘରଗୁଡ଼ିକ ମଧ୍ୟ ଆଜି ମହିଳା ସଶକ୍ତିକରଣର ପ୍ରତୀକ ପାଲଟିଛି ।ସୂଚନାଯୋଗ୍ୟ ଯେ ପିଏମ ଆବାସ ଯୋଜନା (ଗ୍ରାମୀଣ) ଅଧୀନରେ ଏପର୍ୟ୍ୟନ୍ତ ୨.୫୨ କୋଟି ଘର ନିର୍ମାଣ କାଯ୍ୟ ଶେଷ ହେବାପାଇଁଁ  ୧.୯୫ ଲକ୍ଷ କୋଟି ଟଙ୍କା ମଞ୍ଜୁର କରାଯାଇଛି। ଏହାସହ ପିଏମ ଆବାସ ଯୋଜନା (ସହରୀ) ଅଧୀନରେ ଏପର୍ୟ୍ୟନ୍ତ ୫୮ ଲକ୍ଷ ଘର ନିର୍ମାଣ ହୋଇଛି ଏଥିପାଇଁ ୧.୧୮ ଲକ୍ଷ କୋଟି ଟଙ୍କା ମଞ୍ଜୁର କରାଯାଇଛି। ଏହି ଯୋଜନା ଅଧୀନରେ ନିର୍ମିତ ପ୍ରତ୍ୟେକ ଘରେ ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା ଅଧୀନରେ ଗ୍ୟାସ ସଂଯୋଗ, ଜଳ ସଂଯୋଗ ଏବଂ ବିଦ୍ୟୁତ୍ ଭଳି ମୌଳିକ ସୁବିଧା ରହିଛି।