କାବୁଲି ଚଣା ଚାଟ

ଆବଶ୍ୟକୀୟ ସାମଗ୍ରୀ

୨୦୦ ଗ୍ରାମ କାବୁଲି ଚଣା ବା ଛୋଲେ, ୫୦ ଗ୍ରାମ ମଟର ଦାନା, ଗୋଟିଏ ପିଆଜ, ୨ଟି କଞ୍ଚାଲଙ୍କା, ୨ ଚାମଚ ତେଲ, ୨ ପାଖୁଡା ରସୁଣ, ବିରି ଡାଲି ୧ ଚାମଚ, ୧ ଚାମଚ ଲେମ୍ବୁରସ, ଅଳ୍ପକିଛି ଭୃସଙ୍ଗ ପତ୍ର ଓ ସ୍ୱାଦ ଅନୁସାରେ ଲୁଣ ।

ପ୍ରସ୍ତୁତି ପ୍ରଣାଳୀ

ସ୍ୱାଦିଷ୍ଟ କାବୁଲି ଚଣା ଚାଟ ପ୍ରସ୍ତୁତ କରିବା ପାଇଁ ସର୍ବପ୍ରଥମେ ଚଣା ବା ଛୋଲେକୁ ୫ରୁ ୬ ଘଣ୍ଟା ପର୍ଯ୍ୟନ୍ତ ଭିଜାଇ ରଖନ୍ତୁ । ଏହାପରେ ଟିକିଏ ସୋଡ଼ା ଓ ଲୁଣ ପକାଇ ସେହି ଚଣାକୁ ସିଝାଇ ଦିଅନ୍ତୁ । ବର୍ତ୍ତମାନ ମଟରକୁ ଗରମ ପାଣିରେ ପକାଇ ଗୋଟିଏ କିମ୍ବା ଦୁଇଟି ସିଟି ଲଗାଇ ଆଞ୍ଚ ବନ୍ଦ କରିଦିଅନ୍ତୁ । ତାପରେ ସେଥିରୁ ସବୁ ପାଣି ବାହାର କରିଦିଅନ୍ତୁ । ବର୍ତ୍ତମାନ ପିଆଜ ଏବଂ କଞ୍ଚାଲଙ୍କାକୁ ଛୋଟ ଛୋଟ କରି କାଟି ଦିଅନ୍ତୁ । ଏବେ ଏକ ପ୍ୟାନରେ ତେଲ ଗରମ କରି ସେଥିରେ ସୋରିଷ ଓ ବିରିଡାଲି ପକାଇ ଭାଜନ୍ତୁ l ତାପରେ ସେଥିରେ କଞ୍ଚାଲଙ୍କା ଓ ଭୃଷଙ୍ଗପତ୍ର ପକାଇ ଫ୍ରାଏ କରନ୍ତୁ । ଆଉ ତାପରେ ଏଥିରେ ପିଆଜ ପକାଇ ଅଳ୍ପଟିକେ ଭାଜି ଦିଅନ୍ତୁ । ଶେଷରେ ଏଥିରେ ଚଣା ଓ ଲୁଣ ପକାଇ ଭଲଭାବେ ମିଶାଇ ଦିଅନ୍ତୁ l ତାପରେ ଏକ ପ୍ଲେଟକୁ କାଢି ସେଥିରେ ଲେମ୍ବୁରସ, ଧନିଆ ପତ୍ର ଏବଂ କଞ୍ଚାଲଙ୍କା ପକାଇ ଖାଇବାକୁ ଦିଅନ୍ତୁ ସ୍ୱାଦିଷ୍ଟ କାବୁଲି ଚଣା ଚାଟ ।