ଧ୍ବଂସସ୍ତୁପ ମଧ୍ୟରୁ ୬ ବର୍ଷ ବାଳିକାକୁ ଉଦ୍ଧାର କଲା ଭାରତର ଏନଡିଆରଏଫ୍

ଭାରତର ଏନଡିଆରଏଫ ଟିମ୍ ତୁର୍କୀରେ ଉଦ୍ଧାରକାର୍ଯ୍ୟ ଚଳାଇ ଲୋକମାନଙ୍କ ପ୍ରସଂଶାର ପାତ୍ର ହୋଇଛି । ଏନଡିଆରଏଫ ପକ୍ଷରୁ ଭଗ୍ନାବଶେଷରେ ଫସି ଥିବା ଜଣେ ୬ ବର୍ଷର ନାବାଳିକାକୁ ଉଦ୍ଧାର କରାଯାଇଛି । ଗୃହ ମନ୍ତ୍ରଣାଳୟର ମୁଖପାତ୍ର ଏହି ସଫଳ ଉଦ୍ଧାର କାର୍ଯ୍ୟ (ଏନଡିଆରଏଫ ଉଦ୍ଧାର ଅଭିଯାନ)ର ଭିଡିଓ ସେୟାର କରିଛନ୍ତି ।

ଗୃହ ମନ୍ତ୍ରାଳୟର ପକ୍ଷରୁ କରାଯାଇଥିବା ଟୁଇଟରେ କୁହାଯାଇଛି “ଏହି ପ୍ରାକୃତିକ ବିପର୍ଯ୍ୟୟରେ ଭାରତ ତୁର୍କୀ ସହ ଛିଡ଼ା ହୋଇଛି । ଗ୍ରାଉଣ୍ଡ ଜିରୋରେ ଭାରତର ଏନଡିଆରଏଫ ଟିମ୍ ଉଦ୍ଧାର ଓ ରିଲିଫ କାର୍ଯ୍ୟ ଜାରି ରଖିଛି । ଆଜି (ଗୁରୁବାର) ଗାଜିଆଟେପର ନୂରଡାଗିରୁ ଜଣେ ୬ ବର୍ଷର ନାବାଳିକାକୁ ସଫଳତାର ସହ ଉଦ୍ଧାର କରିଛି ଏନଡିଆରଏଫ ।“

ସୂଚନାଯୋଗ୍ୟ ଯେ, ତୁର୍କୀ ଓ ସିରିଆରେ ହୋଇଥିବା ଭୂମିକମ୍ପରେ ମୃତ୍ୟୁସଂଖ୍ୟା ୧୯ ହଜାର ଟପିଯାଇଛି । ଏହା ମଧ୍ୟରୁ ତୁର୍କୀରେ ୧୬,୧୭୦ ଜଣ ମୃତ୍ୟୁବରଣ କରିଥିବାବେଳେ ପ୍ରାୟ ୩୧୧୨ ଜଣ ସିରିଆରେ ମୃତ୍ୟୁବରଣ କରିଛନ୍ତି ।