ଆସନ୍ତା କାଲିଠୁ ଆରମ୍ଭ ହେବ ଆଦିବାସୀ ମେଳା, ମାର୍ଚ୍ଚ ୧ ଯାଏ ଚାଲିବ
ଆସନ୍ତା କାଲିଠୁ ୟୁନିଟ୍-୧ ଆଦିବାସୀ ପଡ଼ିଆରେ ହେବ ରାଜ୍ୟସ୍ତରୀୟ ଆଦିବାସୀ ମେଳା-୨୦୨୩ । ଏଥିପାଇଁ ଆରମ୍ଭ ହୋଇଯାଇଛି ପ୍ରସ୍ତୁତି । ଫ୍ରେବ୍ରୁଆରୀ ୨୦ ରୁ ମାର୍ଚ୍ଚ ୧ ଯାଏ ଚାଲିବ ମେଳା। ଆଦିବାସୀ ମେଳା ଓ ସାଂସ୍କୃତିକ ଉତ୍ସବ ୨୦୨୩ କୁ ଉଦଘାଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ମେଳା ଲାଗି ସମସ୍ତ ପ୍ରସ୍ତୁତି ଶେଷ ପର୍ଯ୍ୟୟରେ ପହଞ୍ଚିଛି । ରାଜ୍ୟର ବିଭିନ୍ନ ଆଦିବାସୀ ସଂପ୍ରଦାୟର ଲୋକ ମାନେ ନିଜ ହାତ ତିଆରି ଜିନିଷ ନେଇ ଆସିଛନ୍ତି ଏହି ମେଳାକୁ। ଆଦିବାସୀ ସଂପ୍ରଦାୟର ହାତ ତିଆରି ଜିନିଷକୁ ବିକ୍ରି କରିବାକୁ ସରକାର୍ ସବୁ ବେଳେ ବିଭିନ୍ନ ବଜାର ଯୋଗାଇ ଦେଇଥାନ୍ତି । ଚଳିତ ବର୍ଷ ମଧ୍ୟ ଆଦିବାସୀ ମେଳାରେ ଷ୍ଟଲ ଗୁଡ଼ିକରେ ନିଜ ନିଜର ଜିନିଷ ରଖିବା ଆରମ୍ଭ କରି ସାରିଲେଣି । କରୋନା କଟକଣା ନଥିବାରୁ ମେଳାରେ ଅଧିକ ସଂଖ୍ୟାରେ ଭିଡ଼ ଜମିବ ବୋଲି ଆଶା କରାଯାଉଛି। ମେଳା ପରିସରରେ ମୋଟ୍ ୩ଟି ଫାଟକ ରହିବ। ସେଥିମଧ୍ୟରୁ ୨ଟି ଫାଟକ ପ୍ରବେଶ ପାଇଁ ରହିବ ଏବଂ ଗୋଟିଏ ଫାଟକ ପ୍ରସ୍ଥାନ ପାଇଁ ରହିବ।