ସୁଖୋଇରେ ଉଡ଼ିଲେ ରାଷ୍ଟ୍ରପତି ଦ୍ରୌପଦୀ
ନୂଆଦିଲ୍ଲୀ : ରାଷ୍ଟ୍ରପତି ଦ୍ରୌପଦୀ ମୁର୍ମୁ ଶନିବାର ଦିନ ସୁଖୋଇ ୩୦ ଏମ୍କେଆଇ ଯୁଦ୍ଧ ବିମାନରେ ଉଡ଼ିଛନ୍ତି। ମୁର୍ମୁ ଆଣ୍ଟି ଗ୍ରାଭିଟି ସୁଟ୍ ପିନ୍ଧି ଆସାମର ତେଜପୁର ବାୟୁସେନା ଘାଟିରୁ ଯୁଦ୍ଧ ବିମାନରେ ଉଡ଼ାଣ ଭରିଛନ୍ତି। ରାଷ୍ଟ୍ରପତି ହେଉଛନ୍ତି ଭାରତୀୟ ସେନାବାହିନୀର ସୁପ୍ରିମ୍ କମାଣ୍ଡର। ସେ ପ୍ରାୟ ୨୫ ମିନିଟ୍ ଧରି ଯୁଦ୍ଧ ବିମାନରେ ଉଡ଼ିଥିଲେ। ଉଡ଼ାଣ ସମୟରେ ବ୍ରହ୍ମପୁତ୍ର ଓ ତେଜପୁର ଭ୍ୟାଲି ସହ ରାଷ୍ଟ୍ରପତି ହିମାଳୟର ଦୃଶ୍ୟ ଦେଖିଛନ୍ତି।