ତ୍ୱଚାର ଲଙ୍ଗ ଲାଷ୍ଟିଙ୍ଗ ନେଚୁରାଲ ଗ୍ଲୋ ପାଇଁ ଆପଣାନ୍ତୁ ଏହି ୫ ଟିପ୍ସ

ସୁନ୍ଦର ତ୍ୱଚା ପାଇବା ପାଇଁ ଉଭୟ ଜୀବନଶୈଳୀ ଏବଂ ଖାଦ୍ୟ ଅଭ୍ୟାସରେ ପରିବର୍ତ୍ତନ ଆଣିବା ଆବଶ୍ୟକ । ଆମେ ଯାହା ଖାଇଥାଉ, ଏହାର ପ୍ରଭାବ ଆମ ତ୍ୱଚା ଉପରେ ଦେଖାଯାଏ । ମାର୍କେଟରେ ଏପରି ଅନେକ ବ୍ୟୁଟି ପ୍ରଡକ୍ଟ ଅଛି, ଯାହା ତ୍ୱଚାକୁ ଗ୍ଲୋ କରିବା ପାଇଁ ଦାବି କରନ୍ତି । କିନ୍ତୁ ଏହା ଦ୍ୱାରା ସାଇଡ ଇଫେକ୍ଟସ ହେବାର ମଧ୍ୟ ଆଶଙ୍କା ଥାଏ । କେବଳ ଏହା ନୁହେଁ, କସମେଟିକ୍ସ ପ୍ରଡକ୍ଟ ବହୁତ ମହଙ୍ଗା ଥାଏ । କିନ୍ତୁ ଆମେ ଆପଣଙ୍କୁ ଏପରି ତ୍ୱଚା ଟିପ୍ସ ବିଷୟରେ ଜଣାଇବୁ ଯାହା ଆପଣଙ୍କ ତ୍ୱଚାକୁ ନେଚୁରାଲ ଲୁକ ଦେବ ।

ଶାରୀରିକ ସ୍ୱାସ୍ଥ୍ୟ ପରି ତ୍ୱଚାର ଯତ୍ନ ନେବା ମଧ୍ୟ ଜରୁରୀ ହୋଇଥାଏ । ତେଣୁ ଆପଣଙ୍କର ଜୀବନଶୈଳୀକୁ ଠିକ କରନ୍ତୁ । ପ୍ରତିଦିନ ଆପଣଙ୍କ ତ୍ୱଚା ମଶ୍ଚରାଇଜିଂ କରନ୍ତୁ । ଏହା ବ୍ୟତୀତ, ଆପଣଙ୍କ ତ୍ୱଚା ଅନୁଯାୟୀ ପ୍ରଡକ୍ଟ ବ୍ୟବହାର କରନ୍ତୁ ।

ହେଲଦି ଡାଏଟ ଦ୍ୱାରା ତ୍ୱଚା ଗ୍ଲୋ କରିଥାଏ । ପ୍ରତିଦିନ ଆପଣଙ୍କ ଡାଏଟରେ ଫଳ, ପନିପରିବା ଏବଂ ଶସ୍ୟକୁ ସାମିଲ କରନ୍ତୁ । ଏହା ସହିତ ଜାମୁ, ପାଳଙ୍ଗ ଏବଂ ବାଦାମ ପରି ହାଇ ଆଣ୍ଟିଅକ୍ସିଡାଣ୍ଟ ଥିବା ଖାଦ୍ୟକୁ ଡାଏଟରେ ସାମିଲ କରନ୍ତୁ । ଏହା ଆପଣଙ୍କ ତ୍ୱଚାକୁ ନଷ୍ଟ ହେବାରୁ ରୋକିବ ଏବଂ ଆପଣଙ୍କ ତ୍ୱଚାକୁ ଚମକାଇବ ।

ପ୍ରଚୁର ପାଣି ପିଅନ୍ତୁ । ଏହା ତ୍ୱଚାକୁ ଗ୍ଲୋ କରିଥାଏ, ଯାହା ଆପଣଙ୍କୁ ଏକ ନେଚୁରାଲ ଗ୍ଲୋ ଦେଇଥାଏ । ପ୍ରତିଦିନ ପ୍ରାୟ ୩ ଲିଟର ପାଣି ପିଇବା ଜରୁରୀ ।

ବ୍ଲଡ ସର୍କୁଲେସନରେ ଉନ୍ନତି ଆଣିବା ଏବଂ ତ୍ୱଚାକୁ ଚମକାଇବା ପାଇଁ ଫେସିଆଲ ମସାଜ ବେଷ୍ଟ ହୋଇଥାଏ । ହାତରେ ମୁହଁକୁ ଧୀରେ ଧୀରେ ମାଲିସ୍ କରନ୍ତୁ । ଆପଣ ଚାହିଁଲେ ନିଜ ଚେହେରାକୁ ମସାଜ କରିବା ପାଇଁ ଏକ ଫେସିଆଲ ରୋଲର ମଧ୍ୟ ବ୍ୟବହାର କରିପାରିବେ ।

ସୂର୍ଯ୍ୟ କିରଣ ମଧ୍ୟ ତ୍ୱଚାକୁ କ୍ଷତି ପହଞ୍ଚାଏ । ୁଆପଣ ବାହାରକୁ ଯିବା ସମୟରେ ମୁହଁରେ ସନ୍‌ ସ୍କ୍ରିନ ଲଗାନ୍ତୁ । ତ୍ୱଚା ବିଶେଷଜ୍ଞଙ୍କ ଅନୁଯାୟୀ, ଅତି କମରେ ୩୦ SPF ସହିତ ଏକ ସନ୍‌ ସ୍କ୍ରିନ ବ୍ୟବହାର କରନ୍ତୁ । ଏହା ତ୍ୱଚାକୁ ସୂର୍ଯ୍ୟର UV କିରଣରୁ ରକ୍ଷା କରିବ । ସନ୍‌ ସ୍କ୍ରିନ ଚେହେରାର ପ୍ରାକୃତିକ ଚମକ ଦେଇଥାଏ । ଏହା ସହିତ, ଏହା ରିଙ୍କଲ୍ସ ଏବଂ ଫାଇନ ଲାଇନ୍ସ ରୋକିବାରେ ସାହାଯ୍ୟ କରିଥାଏ ।