ସମସ୍ତଙ୍କୁ ବନ୍ଧୁତ୍ବ ଦିବସର ଶୁଭେଚ୍ଛା

ପ୍ରକୃତ ବନ୍ଧୁକୁ ଛାଇ ସହ ତୁଳନା କରାଯାଏ । ସ୍ନେହ, ପ୍ରେମ, ଆଉ ଆବେଗକୁ ବୁଝାଏ ଜଣେ ପ୍ରକୃତ ବନ୍ଧୁ । ସଵୁ ହସକାନ୍ଦ, ସୁଖ ଦୁଃଖରେ ସାଙ୍ଗରେ ଥାଏ କେବଳ ବନ୍ଧୁ ।  ପରିବାର ସହ ଯାହା ଶେୟାର କରିହୁଏନି, ତାକୁ ବିନା ଦ୍ଵନ୍ଦ୍ବରେ ସାଙ୍ଗ ପାଖରେ କହିହୁଏ । ଭାରତୀୟ ପରମ୍ପରାରେ ବନ୍ଧୁତାକୁ ନେଇ ଅନେକ କାହାଣୀ ରହିଛି । କୃଷ୍ଣ ସୁଦାମାଙ୍କ ଭଳି ପ୍ରକୃତ ବନ୍ଧୁର ଉଦାହରଣ ମଧ୍ୟ ଆମେ ଦେଖିଛେ । କୁହାଯାଏ ୧୯୩୫ ମସିହାରେ ଆମେରିକା ସରକାର ଜଣେ ବ୍ୟକ୍ତିକୁ ମୃତ୍ୟୁ ଦଣ୍ଡ ଦେଇଥିଲେ । ତାକୁ ଶୁଣି ବ୍ୟକ୍ତିର ସାଙ୍ଗ ବି ଆତ୍ମହତ୍ୟା କରିଥିଲେ । ସେଦିନ ବି ଥିଲା ଅଗଷ୍ଟ ମାସର ରବିବାର । ତେଣୁ ଆମେରିକା ସରକାର ସେବେଠୁ ଅଗଷ୍ଟ ମାସର ପ୍ରଥମ ରବିବାରକୁ ବନ୍ଧୁମାନଙ୍କୁ ମନେପକାଇ ବନ୍ଧୁତ୍ଵ ଦିବସ ଭାବେ ଘୋଷଣା କରିଥିଲେ । ବିଭିନ୍ନ ଢଙ୍ଗରେ ଆଜିର ଦିନକୁ ଲୋକେ ପାଳନ କରୁଛନ୍ତି । କିଏ ପାର୍ଟି କରୁଛି ତ କିଏ ଚକୋଲେଟ ଆଉ ଫ୍ରେଣ୍ଡସିପ ବ୍ୟାଣ୍ଡ ବାନ୍ଧି ଏହି ଦିନକୁ ସ୍ମରଣୀୟ କରୁଛନ୍ତି ।  ତେବେ ଆମ ତରଫରୁ ସମସ୍ତଙ୍କୁ ବନ୍ଧୁତା ଦିବସର ଢ଼େର ସାରା ଅଭିନନ୍ଦନ।