ବିଲକିସ୍ ମାମଲା: ଦଣ୍ଡ କୋହଳ ନୀତିର ଫାଇଦା ଅଳ୍ପ କିଛି ଲୋକଙ୍କୁ କାହିଁକି ?

ନୂଆଦିଲ୍ଲୀ: ବିଲକିସ୍ ବାନୋ ମାମଲାରେ ଦୋଷୀଙ୍କୁ ମୁକ୍ତ କରିବା ମାମଲାରେ ଗୁଜରାଟ ସରକାରଙ୍କ ପଦକ୍ଷେପ ଉପରେ ବଡ଼ ପ୍ରଶ୍ନ ଉଠାଇଛନ୍ତି ସୁପ୍ରିମକୋର୍ଟ। ଫାଶୀ ଦଣ୍ଡାଦେଶ ପରେ ଦୋଷୀମାନଙ୍କୁ କାହିଁକି ଆଜୀବନ କାରାଦଣ୍ଡ ମିଳିଲା ବୋଲି ସର୍ବୋଚ୍ଚ ନ୍ୟାୟାଳୟ ଗୁଜରାଟ ସରକାରଙ୍କୁ ପ୍ରଶ୍ନ କରିଛନ୍ତି। ୧୪ ବର୍ଷ ଜେଲ୍ ଦଣ୍ଡ ଭୋଗିବା ପରେ ସେ କେମିତି ଜେଲରୁ ମୁକୁଳିଲେ? ୧୪ ବର୍ଷ ଜେଲ୍ ଦଣ୍ଡାଦେଶ ପରେ ବାକି କଏଦୀଙ୍କୁ କାହିଁକି ମୁକ୍ତି ଦିଆଗଲା ନାହିଁ ବୋଲି କୋର୍ଟ ପ୍ରଶ୍ନ କରିଛନ୍ତି।

ବିଲକିସ୍ ବାନୋ ମାମଲାରେ ସୁପ୍ରିମକୋର୍ଟ ଗୁଜରାଟ ସରକାରଙ୍କୁ ପଚାରିଥିଲେ, ଏହି ମାମଲାରେ ଏହି ଦୋଷୀମାନଙ୍କୁ ଯେଉଁ ନୀତିର ଫାଇଦା ଦିଆଗଲା ତାହାର ଲାଭ କଣ ମିଳିଲା ? ଜେଲରେ କଏଦୀ ଭର୍ତ୍ତି ଅଛନ୍ତି, ତେବେ ସେମାନଙ୍କୁ ଏହାର ଲାଭ ନେବାକୁ  ସୁଯୋଗ କାହିଁକି ମିଳିଲା ନାହିଁ? କେଉଁ ଆଧାରରେ ବିଲକିସ୍ ଦୋଷୀଙ୍କ ପାଇଁ ଜେଲ୍ ପରାମର୍ଶଦାତା କମିଟି ଗଠନ କରାଯାଇଥିଲା? ଅଦାଲତ ପରାମର୍ଶଦାତା କମିଟିର ବିବରଣୀ ମାଗିଛନ୍ତି।

କୋର୍ଟ ଗୁଜରାଟ ସରକାରଙ୍କୁ ପଚାରିଛନ୍ତି ଯେ ଗୋଧ୍ରା ଅଦାଲତ ଶୁଣାଣି କରିନଥିବା ବେଳେ ତାଙ୍କ ମତାମତ କାହିଁକି ମଗାଗଲା ? ବିଲକିସ୍ ବାନୋଙ୍କ ଆବେଦନର ଶୁଣାଣି ଅଗଷ୍ଟ ୨୪ରେ ସୁପ୍ରିମକୋର୍ଟରେ ହେବ।

“ଆମେ ଜାଣିବାକୁ ଚାହୁଁଛୁ ଯେ କୋହଳ ନୀତିର ଫାଇଦା କିଛି ନିର୍ଦ୍ଦିଷ୍ଟ ଲୋକଙ୍କୁ କାହିଁକି ଦିଆଗଲା ? ସଂସ୍କାରର ସୁଯୋଗ କେବଳ କିଛି କଏଦୀଙ୍କୁ ଦିଆଯିବା ଉଚିତ ନୁହେଁ ବରଂ ପ୍ରତ୍ୟେକ କଏଦୀଙ୍କୁ ଏହି ସୁଯୋଗ ଦିଆଯିବା ଦରକାର ବୋଲି କୋର୍ଟ କହିଛନ୍ତି।