ଚନ୍ଦ୍ରରେ ‘ଚନ୍ଦ୍ରଯାନ-୩’ର ଫଟୋ ଉଠାଇଲା ନାସା ସାଟେଲାଇଟ୍
ନୂଆଦିଲ୍ଳୀ: ଆମେରିକା ମହାକାଶ ଗବେଷଣା କେନ୍ଦ୍ର ନାସା ଲୁନାର ରେକନାଇଜାନ୍ସ ଅରବିଟର୍ (ଏଲ୍ଆର୍ଓ) ଏବେ ଚନ୍ଦ୍ରରେ ‘ଚନ୍ଦ୍ରଯାନ-୩’ର ଫଟୋ ଉଠାଇଛି। ‘ଚନ୍ଦ୍ରଯାନ-୩’ ହେଉଛି ଚନ୍ଦ୍ରର ଦକ୍ଷିଣ ପୋଲ ନିକଟରେ ସଫଳତାର ସହ ଲ୍ୟାଣ୍ଡ୍ କରିଥିବା ପ୍ରଥମ ଯାନ। ଚନ୍ଦ୍ରପୃଷ୍ଠରେ ‘ଚନ୍ଦ୍ରଯାନ-୩’ର ବିକ୍ରମ ଲ୍ୟାଣ୍ଡ୍ର ଅବତରଣ କରିବାର ୪ ଦିନ ପରେ ଅଗଷ୍ଟ ୨୭ ତାରିଖରେ ଏଲ୍ଆର୍ଓ ଏହି ଫଟୋ ଉଠାଇଛି।ସୋସିଆଲ ମିଡିଆ ପ୍ଲାଟଫର୍ମରେ ଏଲ୍ଆର୍ଓ ଉଠାଇଥିବା ଏହି ଫଟୋଟିକୁ ବି ଦେଖିବାକୁ ମିଳିଛି। ନାସା ଅନୁଯାୟୀ, ଏଲ୍ଆର୍ଓ କ୍ୟାମେରା ଚାରି ଦିନ ପରେ ଲ୍ୟାଣ୍ଡରର ୪୨ ଡିଗ୍ରି ସ୍ଲୋ ଆଙ୍ଗେଲ୍କୁ କ୍ୟାପ୍ଚର କରିଛି।ୱାଶିଂଟନ୍ ସ୍ଥିତ ଏହି ଏଜେନ୍ସିର ମୁଖ୍ୟାଳୟରେ ସାଇନ୍ସ ମିସନ୍ ନିର୍ଦ୍ଦେଶାଳୟ ପାଇଁ ମେରିଲ୍ୟାଣ୍ଡର ଗ୍ରୀନବେଲ୍ଟରେ ଥିବା ନାସାର ଗୋଡାର୍ଡ ସ୍ପେସ୍ ଫ୍ଲାଇଟ୍ ସେଣ୍ଟର ଦ୍ୱାରା ଏଲ୍ଆର୍ଓ ପରିଚାଳିତ।ନାସା ଗତକାଲି ଏକ ଏକ୍ସ ପୋଷ୍ଟ ଜରିଆରେ ଏଲ୍ଆର୍ଓ ଉଠାଇଥିବା ଏହି ଫଟୋକୁ ସେୟାର୍ କରିଛି। ଆପଣ ଜାଣନ୍ତି ଯେ ‘ଚନ୍ଦ୍ରଯାନ-୩’ର ବିକ୍ରମ ଲ୍ୟାଣ୍ଡର୍ ଅଗଷ୍ଟ ୨୩ ତାରିଖ ସଂଧ୍ୟା ୬ଟା ୬ ମିନିଟ୍ରେ ଚନ୍ଦ୍ରପୃଷ୍ଠରେ ଅବତରଣ କରିଥିଲା।