ବାସ୍ତୁ ଅନୁସାରେ କ୍ୟାଲେଣ୍ଡର ଲଗାଇବାର ସଠିକ୍ ନିୟମ, ଜାଣନ୍ତୁ କ’ଣ କରିବେ ନାହିଁ

ଆଉ କିଛି ଦିନ ପରେ ନୂଆ ବର୍ଷ ଆରମ୍ଭ ହେବ । ଏଥିପାଇଁ ନୂଆ ବର୍ଷର କ୍ୟାଲେଣ୍ଡର ଘରକୁ ଆଣିବା ପାଇଁ ବାସ୍ତୁ ସମ୍ବନ୍ଧୀୟ କିଛି ବିଶେଷ କଥା ଜାଣିବା ନିହାତି ଜରୁରୀ । ତେବେ ବାସ୍ତୁ ଶାସ୍ତ୍ରରେ ଘରେ ନୂଆ କ୍ୟାଲେଣ୍ଡର ଲଗାଇବା ପାଇଁ କିଛି ନିୟମ ରହିଛି, ଯାହାର ପାଳନ କରିବା ଦ୍ୱାରା ଘରେ ପରିବାର ଲୋକେ ଜୀବନରେ ଆଗକୁ ଯାଇପାରିବେ । ଏହା ସହ ପୂରା ବର୍ଷ ଭାଗ୍ୟ ଭଲ ରହିବ । ତେବେ ଆସନ୍ତୁ ଜାଣିବା ସେହି ବିଷୟରେ…

ଜାଣନ୍ତୁ କ୍ୟାଲେଣ୍ଡର ଲଗାଇବା ବେଳେ କଣ କରିବେ ନାହିଁ?

-ବାସ୍ତୁ ଶାସ୍ତ୍ରର ନିୟମ ଅନୁଯାୟୀ, ନୂତନ ବର୍ଷର କ୍ୟାଲେଣ୍ଡରକୁ ଘରର ଦକ୍ଷିଣ କାନ୍ଥରେ ଲଗାନ୍ତୁ ନାହିଁ । ଏପରି କରିବା ଦ୍ୱାରା ଘରର ଅନେକ ଶୁଭ କାର୍ଯ୍ୟରେ ବାଧା ସୃଷ୍ଟି ହୋଇପାରେ ଏବଂ ସ୍ୱାସ୍ଥ୍ୟ ମଧ୍ୟ ଖରାପ ହୋଇପାରେ ।

-ଏହା ସହିତ ଘରେ ପୁରୁଣା କ୍ୟାଲେଣ୍ଡର ରଖିବା ଉଚିତ ନୁହେଁ । ଏପରି କରିବା ଦ୍ୱାରା ଘରର ଅନେକ କାର୍ଯ୍ୟରେ ବାଧା ସୃଷ୍ଟି ହୋଇଥାଏ ।

କ୍ୟାଲେଣ୍ଡରକୁ କେବେ ହେଲେ ମେନ୍ ଗେଟ୍ ପଛରେ, ସାମ୍ନାରେ କିମ୍ବା ଗେଟ୍ ଉପରେ ଲଗାଇବେ ନାହିଁ । ଏହି ସବୁ ନିୟମ ନମାନିଲେ ପରିବାରର ପ୍ରଗତିରେ ବାଧକ ସୃଷ୍ଟି ହୋଇପାରେ । ଘରେ ହିଂସାତ୍ମକ କିମ୍ବା ଦୁଃଖୀ ଚେହେରା ସହିତ କ୍ୟାଲେଣ୍ଡର ରଖନ୍ତୁ ନାହିଁ ।

-ପୁରୁଣା କ୍ୟାଲେଣ୍ଡର ଉପରେ ଏକ ନୂତନ କ୍ୟାଲେଣ୍ଡର ରଖିବେ ନାହିଁ । ଏହା ଯୋଗୁଁ ଘରେ ନକାରାତ୍ମକ ଶକ୍ତି ପ୍ରବେଶ କରେ । ଘରେ ଚିରି ଯାଇଥିବା କ୍ୟାଲେଣ୍ଡର ରଖ‌ିବା ଉଚିତ୍ ନୁହେଁ । ଏହାଦ୍ୱାରା ଘରେ ନକାରାତ୍ମକତା ସୃଷ୍ଟି ହୋଇଥାଏ ।

ବାସ୍ତୁ ଅନୁସାରେ କ୍ୟାଲେଣ୍ଡର ଲଗାଇବାର ସଠିକ୍ ନିୟମ :

-ବାସ୍ତୁ ଶାସ୍ତ୍ର ଅନୁସାରେ, ଘରର ପୂର୍ବ ଦିଗ, ଉତ୍ତର ଏବଂ ପଶ୍ଚିମ ଦିଗ କାନ୍ଥରେ ନୂଆ କ୍ୟାଲେଣ୍ଡର ଲଗାଇବା ଉଚିତ୍ । ଏପରି କରିବା ଦ୍ୱାରା ଘରେ ସକାରାତ୍ମକ ଶକ୍ତି ବିସ୍ତାର ହୋଇଥାଏ ଓ ଖୁସିର ବାତାବରଣ ରହିଥାଏ । ଏହା ସହ ଘରର ଘରର ଏହି ସବୁ ଦିଗରେ କ୍ୟାଲେଣ୍ଡର ଲଗାଇବା ଦ୍ୱାରା ସୁଖ, ଶାନ୍ତି ରହିବା ସହ ଅନେକ ପ୍ରକାରର ଭଲ କାର୍ଯ୍ୟ ମଧ୍ଯ ହୋଇଥାଏ ।

-ଘରର ଉତ୍ତର ଦିଗରେ ଏକ ନୂତନ କ୍ୟାଲେଣ୍ଡର ସହିତ ପ୍ରବାହିତ ନଦୀ କିମ୍ବା ବିବାହର ଫଟୋ ରଖିବା ଶୁଭ ବୋଲି ବିବେଚନା କରାଯାଏ । ଘରେ ସୁବର୍ଣ୍ଣ କିମ୍ବା ଧୂସର ରଙ୍ଗର କ୍ୟାଲେଣ୍ଡର ରଖିବା ଦ୍ୱାରା ସୁଖ ସମୃଦ୍ଧି ଆସିଥାଏ ।