ପୁରୁଣାକଟକରେ ଶୁଭାରମ୍ଭ ହେଲା କିୟୋର ବେ କ୍ଲିନିକ

କଟକ : ଓଡିଶାର ଦଶତମ ଏବଂ ବୌଦ୍ଧ ଜିଲ୍ଲାରେ ଦ୍ୱିତୀୟତମ କିୟୋର –ବେ କ୍ଲିନିକ ହରଭଙ୍ଗା ବ୍ଲକର ପୁରୁଣାକଟକ ଠାରେ ଶୁଭାରମ୍ଭ ହୋଇଛି । ଏହାର ଉଦଘାଟନୀ କାର୍ଯ୍ୟକ୍ରମରେ ପଂଚାୟତରାଜ ମନ୍ତ୍ରୀ ପ୍ରଦୀପ କୁମାର ଅମାତ୍ ଯୋଗଦାନ କରି ଏହାର ଶୁଭ ଉଦଘାଟନ କରିଥିଲେ ଏବଂ ଅନ୍ୟତମ ଅତିଥିଭାବେ ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ର,ବୌଦ୍ଧ ଆରକ୍ଷୀ ଅଧିକ୍ଷକ ଜ୍ଞାନରଞ୍ଜନ ମହାନ୍ତି,କିୟୋର-ବେ ସଂସ୍ଥାର ପ୍ରତିଷ୍ଠାତା ପ୍ରିୟଦର୍ଶୀ ମହାପାତ୍ର,ଜେମିନି ମେଡିକାଲର ପ୍ରତିଷ୍ଠାତା ,ତଥା କିୟୋର ବେ ସଂସ୍ଥାର ପରାମର୍ଶଦାତା ତଥା ହୃଦରୋଗ ବିଶେଷଜ୍ଞ ଡାକ୍ତର ବିରେନ ସାହୁ,ବୌଦ୍ଧ ଏ.ଡି.ଏମ.ଓ କିଶୋର ଚନ୍ଦ୍ର ପଟ୍ଟନାୟକ,ବିଶ୍ୱଜିତ ପ୍ରଧାନ ପ୍ରମୁଖ ମଂଚାସୀନ ଥିଲେ। ଆଧୁନିକ ଯୁଗରେ ମଣିଷ ହାତପାହାନ୍ତାରେ ଅତି ସହଜରେ କିଭଳି ଲୋକଙ୍କୁ ଗୁଣାତ୍ମକ ସ୍ୱାସ୍ଥ୍ୟସେବା ମିିଳିବ ସେ ଲକ୍ଷ୍ୟରେ କିୟୋର- ବେ କମ୍ପାନୀ ପକ୍ଷରୁ ତାର ପ୍ରଚେଷ୍ଟା ଆରମ୍ଭ ହୋଇଛି। କିୟୋର –ବେ ସଂସ୍ଥାର ପ୍ରତିଷ୍ଠାତା ପ୍ରିୟଦର୍ଶୀ ମହାପାତ୍ର ଏହାର ମୂଳ ଲକ୍ଷ୍ୟ ଉପରେ ବିସ୍ତୃତଭାବେ ସୂଚନା ପ୍ରଦାନ କରିଥିଲେ। କୋଭିଡ ଭଳି ମହାମାରୀ ସମୟରେ କୌଣସି ଶାରିରୀକ ଅସୁସ୍ଥତା ଯୋଗୁଁ ମେଡିକାଲ ଯାଇ ଡାକ୍ତର ପରାମର୍ଶ କରିବା ଏକ କାଠିକର ପାଠ ଥିଲା। ଏଭଳି ସମୟରେ ସେ ଭୋଗୀଥିବା ଅସୁବିଧା ଆଜିର କିୟୋର-ବେ ସଂସ୍ଥା ଖୋଲିବାକୁ ଏକ ସୁଚିନ୍ତିତ ପଦକ୍ଷେପ ବୋଲି କହିଥିଲେ। ଏହାଦ୍ୱାରା ସ୍ୱଳ୍ପ ଖର୍ଚ୍ଚରେ ଗ୍ରାମାଚଂଳ ଗରିବ ଶ୍ରେଣୀର ଲୋକ ଏହି କ୍ଲିନିକ ଜରିିଆରେ ବଡ ବଡ ଡାକ୍ତରଙ୍କ ସହ ଭିଡଓ କନଫରେନସିଙ୍ଗ ମାଧ୍ୟମରେ ପରାମର୍ଶ ନେଇ ଚିକିତ୍ସା ସୁବିଧା ହାତପାହାନ୍ତାରେ ପାଇପାରିବେ। ଏହାଦ୍ୱାରା ଗ୍ରାମାଚଂଳ ଲୋକଙ୍କୁ ଗୁଣାତ୍ମକ ସ୍ୱାସ୍ଥ୍ୟସେବା ମିଳିବା ଲକ୍ଷ୍ୟରେ ଏହା ରାଜ୍ୟରେ ଆରମ୍ଭ କରାଯାଇଛି। ଜିଲ୍ଲାପାଳ ମଦ୍ୟ ଜିଲ୍ଲାରେ ଉନ୍ନତ ସ୍ୱାସ୍ଥ୍ୟ ସେବା ଜରୁରୀ ରହିଥିବା ବେଳେ ଏହା ଲୋକଙ୍କ ପାଇଁ ବେଶ ଲାଭଦାୟକ ହେବ ବୋଲି ମତ ରଖିଥିଲେ।ମୁଖ୍ୟଅତିଥି ମନ୍ତ୍ରୀ ବୌଦ୍ଧ ଭଳି ଜିଲ୍ଲାରେଏହାର ଦ୍ୱିତୀୟ ଶାଖା ଖୋଲିବା ନେଇ ଖୁସି ବ୍ୟକ୍ତ କରିବା ସହ ଲୋକଙ୍କ ପାଇଁ ଏହା ବେଶ ସୁବିଧା ଯୋଗାଇପାରିବ ବୋଲି ମତ ରଖିଥିଲେ। ବାଳକୃଷ୍ଣ ନାଏକ ମଂଚ ପରିଚାଳନା କରିଥିବାବେଳେ ପୁରୁଣାକଟକ କିୟୋର-ବେ ସଂସ୍ଥାର ପରିଚାଳକ ବିଶ୍ୱଜିତ ପ୍ରଧାନ ଧନ୍ୟବାଦ ପ୍ରଦାନ କରିଥିଲେ।