ଚୀନ ଉପରେ ନଜର ରଖିବାକୁ ଭିଏତନାମକୁ ଉପହାର ଭାବରେ ଆଇଏନଏସ କୃପାଣ ଦେବ ଭାରତ
ନୂଆଦିଲ୍ଲୀ: ଚୀନ୍ ସହ ଚାଲିଥିବା ଉତ୍ତେଜନା ମଧ୍ୟରେ ଭାରତ ଏକ ଗୁରୁତ୍ୱପୂର୍ଣ୍ଣ ଘୋଷଣା କରିଛି। ଭାରତୀୟ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଭିଏତନାମର ପ୍ରତିରକ୍ଷା ମନ୍ତ୍ରୀ ଜେନେରାଲ ଫାନ ୱାନ ଜିଆଙ୍ଗଙ୍କ ସହ ଆଲୋଚନା କରି ଘୋଷଣା କରିଛନ୍ତି ଯେ ଭିଏତନାମର ନୌସେନାକୁ ଭାରତ ସ୍ୱଦେଶୀ ନିର୍ମିତ କ୍ଷେପଣାସ୍ତ୍ର ଯୁଦ୍ଧ ଜାହାଜ ଆଇଏନଏସ କୃପାଣ ଉପହାର ଦେବ। ଜିଆଙ୍ଗ ଦୁଇ ଦିନିଆ ଭାରତ ଗସ୍ତରେ ଆସିଥିବାବେଳେ ପ୍ରତିରକ୍ଷା ମନ୍ତ୍ରୀ ଏହି ଘୋଷଣା କରିଛନ୍ତି | ବାସ୍ତବରେ ଚୀନ୍ର ବଢୁଥିବା ପ୍ରଭାବ ମଧ୍ୟରେ ଦୁଇ ଦେଶ ମଧ୍ୟରେ ସମ୍ପର୍କକୁ ମଜବୁତ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି।
ଉଲ୍ଲେଖ ଥାଉ କି ଆଇଏନଏସ କୃପାଣର ଓଜନ ୧୩୫୦ ଟନ ହୋଇଥିବାବେଳେ ଏହା ସମୁଦ୍ରରେ ଘଣ୍ଟା ପ୍ରତି ୪୬ କିଲୋମିଟର ବେଗରେ ଯାତ୍ରା କରିପାରିବ | ଏଥିରେ ୩୦ ଏମଏମ କ୍ଲୋଜ ରେଞ୍ଜ ବନ୍ଧୁକ ସହ କ୍ଷେପଣାସ୍ତ୍ର ମଧ୍ୟ ରହିଛି | ୧୯୯୧ ମସିହାରେ ଏହାକୁ ଭାରତୀୟ ନୌସେନାରେ ସାମିଲ କରାଯାଇଥିଲା |
Post Views: 425