ପୁରୁଷଙ୍କ ପରେଡ଼ର ନେତୃତ୍ୱ ନେଲେ ମହିଳା କ୍ୟାପଟେନ ତାନ୍ୟା ଶେରଗିଲ

ଆତଙ୍କବାଦୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବା ପାଇଁ ସେନା ପାଖରେ ଅନେକ ରାସ୍ତା ରହିଛି। ଆତଙ୍କବାଦୀଙ୍କୁ ସେନା କେବେ ବରଦାସ୍ତ କରିନାହିଁ। ଏମିତିକି ଆତଙ୍କବାଦୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାରେ ସେନା କେବେ ପଛ ଘୁଞ୍ଚା ଦେଇ ନାହିଁ ବୋଲି ଜେନେରାଲ ମନୋଜ ମୁକୁନ୍ଦ ନରଓ୍ୱଣେ କହିଛନ୍ତି।ସେନା କେବେ ନାମ, ଜାତି, ଧର୍ମରେ ଭେଦଭାବ କରେ ନାହିଁ। କେବଳ ନିଜ ଲକ୍ଷ୍ୟ ପ୍ରତି ସବୁବେଳେ ସତର୍କ ରହିଥାଏ ବୋଲି ସେ କହିଛନ୍ତି। ଆଗାମୀ ଦିନରେ ମଧ୍ୟ ସେନା ଦେଶବାସୀଙ୍କ ବିଶ୍ୱାସ ଜିତିବ ବୋଲି ସେ କହିଛନ୍ତି। ଏହି ଅବସରରେ ଜେନେରାଲ ମନୋଜ ମୁକୁନ୍ଦ ଯବାନଙ୍କୁ ମେଡାଲ ଓ ପଦକ ପ୍ରଦାନ କରିଛନ୍ତି।ଗତ ମାସରେ ଜେନେରାଲ ମନୋଜ ମୁକୁନ୍ଦ ନରଓ୍ୱଣେ ସେନା ମୁଖ୍ୟ ଭାବରେ ଦାୟିତ୍ୱ ଗ୍ରହଣ କରିଛନ୍ତି। ଦାୟିତ୍ୱ ଗ୍ରହଣ କରିବା ପରେ ଆତଙ୍କବାଦୀ ଓ ପାକିସ୍ତାନକୁ ସେ କଡ଼ା ଚେତାବନୀ ଦେଇଥିଲେ। ଏମିତିକି ଗତ ଶନିବାର କହିଥିଲେ, ଚୀନ ଓ ପାକିସ୍ତାନ ପଟୁ ଆସୁଥିବା ସମସ୍ତ ଚ୍ୟାଲେଞ୍ଜକୁ ସାମ୍ନା କରିବା ପାଇଁ ସେନା ପ୍ରସ୍ତୁତ ଅଛି। ଏବେ ସେନାକୁ ଆହୁରି ମଜଭୁତ କରିବା ପାଇଁ ଆମୂଳଚୁଳ ପରିବର୍ତ୍ତନ ହେଉଛି।