ମଝି ଚିଲିକାରେ ନିଆଁ , ଜଳୁଛି ନଳ ଘାସ , ବିପଦରେ ବନ୍ୟ ଜନ୍ତୁଙ୍କ ଜୀବନ

ମଝି ଚିଲିକାରେ ଅଗ୍ନିକାଣ୍ଡ, ଜଳୁଛି ନଳ ଘାସ । କାଳୁପଡ଼ା ଘାଟ ଜେଟି ନିକଟରେ ନଳ ଘାସରେ ଲାଗିଛି ନିଆଁ । ଅଗ୍ନିକାଣ୍ଡ ଯୋଗୁଁ ବିପଦରେ ପଡ଼ିଛି ବନ୍ୟ ଜନ୍ତୁଙ୍କ ଜୀବନ । ଚିଲିକାରେ ଫିସିଂ କ୍ୟାଟ୍ ଓ ଅନେକ ପ୍ରଜାତିର ପକ୍ଷୀ ରହୁଥିବା ବେଳେ ଏବେ ସେମାନଙ୍କ ସୁରକ୍ଷାକୁ ନେଇ ଚିନ୍ତା ବଢ଼ିଛି । ଘଟଣା ଜଣାପଡ଼ିବା ପରେ ବାଲୁଗାଁ ବନ୍ୟାପ୍ରାଣୀ ଡିଏଫଓ ଓ ବନ କର୍ମଚାରୀ ପହଁଚି ନିଆଁକୁ ଆୟତ କରୁଛନ୍ତି । ଡଙ୍ଗାରେ ବସି ନିଆଁ ଲାଗିଥିବା ସ୍ଥାନରେ ପହଁଚିବା ସହ ନିଆଁକୁ ଆୟତ କରିବାକୁ ଚେଷ୍ଟା ଚାଲିଛି । କେହି ଦୁର୍ବୃତ୍ତ ନିଆଁ ଲଗାଇ ଦେଇଥିବା ସନ୍ଦେହ କରାଯାଉଛି । ନିଆଁ ଯେପରି ନ ବ୍ୟାପେ ସେଥିପ୍ରତି ନଜର ରଖିଛନ୍ତି ବନ କର୍ମଚାରୀ ।