ଭିଜିଲାନ୍ସ ହାତରେ ଧରା ପଡିଲେ ଲାଞ୍ଚୁଆ ଆରଆଇ

ଯାଜପୁର : ଧରାପଡିଲେ ଲାଞ୍ଚୁଆ ଆରଆଇ । ଲାଞ୍ଚ ନେବା ସମୟରେ ଭିଜିଲାନ୍ସ ହାତରେ ଧରାପଡିଲେ ରାଜସ୍ୱ ନିରୀକ୍ଷକ (ଆରଆଇ) । ଯାଜପୁର ଜିଲ୍ଲା ଧର୍ମଶାଳା ତହସିଲ ଅଧୀନ ବଳରାମପୁର ସର୍କଲ ଆର ଆଇ ସୁଶାନ୍ତ ସ୍ୱାଇଁ । ଏକ ଜମି ଜମା ସଂକ୍ରାନ୍ତିୟ ମାମଲାରେ ୧୦ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡ଼ିଥିବା ସୂଚନା ।

ଏହି ତହସିଲ ଅଧୀନ କବାଟବନ୍ଧ ପଞ୍ଚାୟତ ଦଳଗାଁର ବସନ୍ତ ସ୍ୱାଇଁ ନିଜର ରେଖିଦେଇପୁର ମୌଜାରେ ଥିବା ଜମି ଜମା ମାମଲାର ଫଇସଲା ପାଇଁ ଆରଆଇଙ୍କ ନିକଟକୁ ଦୌଡ଼ି ନିରାଶ ହୋଇଥିଲେ । ଏହାର ସମାଧାନ ପାଇଁ ବସନ୍ତଙ୍କୁ ସେ ଟଙ୍କା ମାଗିଥିଲେ । ପୂର୍ବ ଯୋଜନା ମୁତାବକ ଆଜି ବସନ୍ତ ୧୦ହଜାର ଟଙ୍କା ନେଇ ଆରଆଇ ସୁଶାନ୍ତ ସ୍ୱାଇଁଙ୍କୁ ଦେବା ସମୟରେ ଭିଜିଲାନ୍ସ ହାତରେ ଧରା ପଡ଼ିଥିଲେ ଆରଆଇ ।